Format më të hershme të qytetërimit Maya hasen aty rreth 1000 vjet Para Erës Sonë. Që nga ajo deri nga shekulli 7-të dhe 8-të i Erës Sonë kultura e tyre që u zhvillua në mes pyjesh tropikale në kontinentin amerikan pati një përparim të madh që u kurorëzua me krijimin e qyteteve të mëdha me tempuj dhe pallate madhështorë.

Veprat ndërtimore të tyre arritën lartësi aq të mëdha sa të ndërtesave të sotme njëzetkatëshe. Qytetet ishin në konkurencë me njëri-tjetrin dhe një prej tyre mund të kishte dhjetëmijë banorë.

Përveçse ndërtimtarë të përsosur Maya-të ishin edhe astrologë dhe matematikanë të zotë duke krijuar një kalendar të saktë dhe duke përdorur zeron përpara europianëve.
Kalendari i tyre ka si datë fillimi 13 Gushtin e vitit 3114 para Erës Sonë (Para Krishtit).

Përveç këtyre ata shpikën një shkrim të ndërlikuar të përbërë nga figura dhe rrokje i cili nuk është arritur të deshifrohet akoma krejtësisht.
Ky shkrim ka më tepër se 450 shenja dhe secila fjalë ka dy kuptime të ndryshme.