Home

Poezi

Photo Gallery

Contact me

Islam

Krishterizem

Histori

Shkence

Libra

Përgatiti: Halil Ibrahimi 

_____________________________________________________________________________

Shumica nga ju i keni takuar Dëshmitarët e Jehovait. Në rrugë, në stacione autobuzi dhe kudo tjetër, madje edhe duke trokitur në dyert e shtëpive tuaja për të shpërndarë revistat “Zgjohuni” dhe “Kulla e Rojës” duke e ndarë me ju ‘lajmin e mirë për Mbretërinë e Atit në Tokë e cila  mbase do të vendoset së shpejti”.

Në sytë e tyre Islami është një sistem satanik i vendosur për të mashtruar njerëzimin. Ata madje kanë botuar literatureë e cila synon që të vërtetojë gjoja origjinën johyjnore të mësimeve të Muhamedit dhe frymëzimin nga Perëndia të mësimeve të Kishës së tyre nga ana tjetër.

Muslimanët e dinë se mësimet e tyre janë të gabuara por zakonisht pa i njohur mire besimet e tyre, mbete fjala e juaj kundër fjalës së tyre.

Rrënjet e Dëshmitarëve të Jehovait i ngriti Charles Rusell (1852-1916) i cili si një i ri i revoltuar nga besimet bestyte sipas tij të kyqura në kishat e krishtera, themeloi shoqërinë e cila më vonë do të njihej me emrin që e kanë edhe tashmë.

Është për tu lavdëruar mënjanimi nga besimi kristian i doktrinave si Triniteti etj siq i gjejmë tek Dëshmitarët e Jehovait por prapëseprapë të pikëllon paaftësia e tyre që të njëjtën ta shohin edhe tek shumë mësime tjera të cilat u përvodhën në besimin e Krishtit. Broshura e Dëshmitarëve të Jehovait “A duhet të besojmë Trinitetin?” e sqaron mjaft mire ndikimin e perendorit romak dhe të koncileve të shekujve dy, tre e katër në shtrembërimin e shumë nga ato që Krishti kishte mësuar, ndërkaq që dështon ta shohë të njëjtin ndikim të hidhur edhe në formësimin e kanonit biblik dhe të doktrinave të tjera.

Në këtë shkrim me fakte nga vetë botimet e tyre do të vërtetojmë se pse nuk mund të mbështetemi në mësimet e tyre dhe pse Dëshmitarët e Jehovait  gjithashtu duhet të mendojnë definitivisht për gabimet shekullore prapa organizatës të krijuar nga njeriu të kishës së tyre. Prandaj kur të vizitoheni nga ta tregojauni të vërtetat e mëposhtme dhe sipas të gjitha gjasave nuk do ti shihni më kurrë.

Hapi i pare: profetët e rremë dhe ata të vërtetë

Ligji i Përtërirë  18:20-22 na i tregon standardet për të gjykuar nëse një Profet është nga Zoti apo jo:

” Dhe në se ti thua në zemrën tënde: "Si do të bëjmë për të dalluar fjalën që Zoti nuk ka thënë?" Kur profeti flet në emër të Zotit dhe kjo gjë nuk ndodh dhe nuk realizohet, kemi të bëjmë me një gjë që Zoti nuk e ka thënë; e ka thënë profeti me mendjemadhësi; mos ki frikë prej tij".”

Shumë e thjeshtë. Ky është një kriter me të cilin pajtohen muslimanët. Pra nëse profeti është nga Zoti atëherë profecitë e tij duhet të përmbushen. Kjo do të ishte si test për njëmendësinë hyjnore të mësimeve të atij profeti të proklamuar. Mirëpo nëse profecitë e tij nuk përmbushen atëherë ky i ashtuquajtur profet është profet i rremë. Kështuqë ai nuk është i udhëzuar nga Perëndia dhe ne nuk duhet ti tregojmë frikë apo respekt.

Trupi kryesor i Dëshmitarëve të Jehovait Watchtower në Brooklyn – New York pohon të jetë trupi i vullnetit të Zotit i cili përfaqëson Profetin e Dërguar nga Perëndia njëjtë sikur profetët e erës biblike.

Këtë nuk e pohojmë ne por vetë Dëshmitarët e Jehovait. Kulla e Rojës e dates 1 Prill 1972 e pohon këtë për shembull midis shumë botimeve të tjera të tyre. Aty lexojmë: “Ky ‘profet’ tashmë nuk është një njeri i vetëm por një trup i tërë burrash dhe grashë. Në fillim ishte një grup i vogël i pasuesve të gjurmëve të Jezu Krishtit i njohur me emrin Studentët Ndërkombëtarë të Biblës (kështu quheshin Dëshmitarët e Jehovait në fillet e tyre) të cilët tani njihen me emrin Dëshmitarët Kristianë të Jehovait…” 

Shiko më poshtë fragmentin e skanuar nga Kulla e Rojës që e pohon se Dëshmitarët e Jehovait janë Profeti i Perëndisë në kohët e sotme. Tregojauni këtë vizitorëve tuaj Dëshmitarë të Jehovait.

Hapi i dytë: Profecitë e rreme të profetit të rremë

Secili që ka përcjellur botimet e Dëshmitarëve të Jehovait do të dijë të tregojë për dhjetëra raste të profecive të tyre të rreme për fundin e botës apo për diqka tjetër që kurrë nuk u përmbushën. Datat e fundit të botës ndërrohen në mësimet e tyre por më kot profecitë mbesin të rreme dhe nuk realizohen kurrë.

Herët në vitin 1917 botimi i tyre The Finished Mystery, Watchtower Bible and Tract Society, Brooklyn, N.Y., 1917, fq. 484-485 parashikonte shkatërrimin e kishave të rreme anekënd botës dhe miliona besimtarëve të tyre nga Zoti gjë që do të ndodhte në vitin 1918. 

Shiko në vijim  pasazhin e skanuar. Tregojau këtë vizitorëve tuaj. 

Viti 1918 dhe gati një shekull kaloi dhe profecia e trupit ‘profetik’ të Dëshmitarëve të Jehovait kurrë nuk ndodhi.

Por a është kjo e vetmja. Hmmm…

Fatkeqësisht jo.Botimi i Dëshmitarëve të Jehovait Millions Now Living Will Never Die, Watchtower Bible and Tract Society, Brooklyn, N.Y., 1920, faqe. 88-91 e bën një profeci goxha të madhe. Sipas kësaj profecie profetët e vjetër si Abrahami, Jicaku, Jakobi etj do të ringjallen në trup fizik, do të jenë të dukshëm, dhe do tu dëshmojnë njerëzve për rendin e ri botërorë që po vendosej – për mbretërinë e Atit.

Më poshtë e keni fragmentin e skanuar në origjinal. 

Ooooops sot jemi në vitin 2003 dhe ringjallja e profetërve të përmendur kurrë nuk ndodhi. Kalkulime të gabuara sërish ose më mire thenë profeci të rreme sërish.

Zgjohuni, 8 Tetor, 1968, f. 5 parashikon fundin e sistemit të tashëm botërorë dhe njëfarë kataklizme në vitin 1975, ose gjëra  tepër kritike për njerëzimin afër fundit të botës, gjë që kurrë nuk ndodhi. Në vijim e keni fragmentin në origjinal.

Fatkeqësisht profecive të tyre të rreme nuk iu vie fundi.

Për më shumë se 50 vite deri më 1928 Dëshmitarët e Jehovait e kishin përdorur Piramidën e Madhe jashtë Kairos në Egjipt si bazë për profetizimin e ardhjes së Krishtit në vitin 1919. Charles Russell, presidenti i parë i Watchtower (Organizatës së Dëshmitarëve të Jehovait) mësonte se duke matur gjatësira kalimi në Piramidën e madhe me mund të caktojmë datën e kthimit të dytë të Jezusit. Russell do të shkruante atëbotë “Piramida dëshmon se afër vitit 1914 do të fillojnë trazira të tilla që nuk janë parë ndonjëherë para dhe pas kësaj periudhe në botë” (Studies in the Scriptures vol.3 Thy Kingdom Come fq 342). Por në vitin 1928 Kulla e Rojës 15 Maj do ta quante një mësim të tillë si satanik: “Nëse piramida nuk është përmendur në Bibël atëherë mësimet lidhur me të janë të udhëzuara nga filozofi boshe dhe shkenca fallso e jo të frymëzuara nga Krishti……….Satanai  e ka vendosur diturinë e tij në gurin e vdekur (të pyramidës) i cili mund të quhet Bibla e Satanait e jo guri dëshmues i Perëndisë”

Shembujt e tillë nuk kanë fund por mjaftojnë për të kuptuar natyrën e gabueshme të mësimeve të dëshmitarëve të Jehovait.

Për më tepër ata besojnë se Bibla është fjalë e Zotit. Ju gjithashtu mund të ua bëni atyre pesë pyetjet rreth frymëzimit të supozuar të Biblës nga Zoti.

E kemi pare pra natyrën fallso të mësimeve të Dëshmitarëve të Jehovait. Sipas kriterit të caktuar nga Zoti Mojsiut që e lexuam në fillim na del se Dëshmitarët e Jehovait janë një trup i rremë profetik të cilit nuk duhet treguar respekt.

Prandaj pohimi i Dëshmitarëve të Jehovait se ata janë trupi profetik i Zotit është hiq më shumë se një gënjeshtër e pastër. E keni pare se data e njërit nga botimet ku pohohej kjo ishte 1 Prill. Si duket do të ketë qenë një shaka – mashtrim i hidhur bërë njerëzimit për 1 Prill, por rrenë kjo që i udhëzon mbrapsht sod afër gjashtë miliona Dëshmitarë të Jehovait sa pohojnë ata të numërojnë besimtarët e tyre.

Muamedi a.s

Jusuf el Kardavi

Ebu Shejma

Hadithe

Dijetaret Musliman

Kuorizitete

Tema te Ndryshme

Civilizim

Gjeografi Islame