Home

Poezi

Photo Gallery

Contact me

Islam

Krishterizem

Histori

Shkence

Libra

Vargje me lotë për kurbetçiun

“E rëndë është strajca e kurbetçiut
Në të ka helm shpirti dhe
përmallje shumë të nxehtë
Në të është edhe exheli” (Populli)

O Zot më jep sabër
me shpirt e zemër po vuaj
këngë me lotë për kurbetçiun
bukë me helm o gatuaj

Një të shtunë me pak diell
vjeshtë plakash në shtator
me selam na mori ngryk’
me një strajcë në dorë.

Nëna e puthi sipas zakonit
dhe uroi me udhë të mbarë
nusja dëneste me siklet
s’qe e lehtë për t’u ndarë.

E babai mblodhi veten
hyni brënda do t’u thotë
djali ynë do të kthehet
bile shpejt sikur sot.

Nënë e nuse u futën brënda
dhe po qanin me zë
shpirt e zemër kur copëtohen
a do të bëhen bashkë më.

Dhe më pas erret nata
kudo shtroi pushtetin e saj
nënëzeza nuse ngrata
s’bëjnë gjumë, por veç vaj.

Ditë e re është e diel
barkë e jetës ec me turr
sytë e nënës bimën e shpirtit
s’do ta shohin më kurrë.

Dhe tamam kjo e diel
do të godasë si një rrufe
mu në shpirt të nënës
mu në zemë të nuses së re.

Kush nuk dinte për exhelin
Veç Allahut Fuqiplotë
se kurbetçiu sosi rrizkun
dhe s’ka hise më në këtë botë.

Ejani shpejt të bëhemi gati
do t’shkojmë larg në malësi
nxiste babai shpirtdëlirë
për zijaret tek miqtë e tij

Nga malësia u kthyen shpejt
me fjalë mallëkimi për kurbet
kur do të kënaqet nënë e vuajtur
që pret lajm të djalit të vet.

Dhe kështu u futën në shtëpi
babë, nënë dhe nusja e ngratë
pa haber të kurbetçiut
tash u bë kohë e gjatë.

Iku shpejt edhe kjo natë
dhe erdhi ditë e hënë
si rrebesh po shtohej mërzia
për babë, nuse dhe nënë.

Dhe shpresa për të dashurin
nuk po këputej lehtë
mbi çdo send në këtë botë
është dëshira për këtë jetë.

Erdhi ditë e martë
dhe me vrap po afrohej
me vuajtje dhe brenga
shpirti shumë ngarkohej.

Por jeta është e rreme
dhe bën punën e vet
ec veç me të gjallin
harron atë që ka vdek’.

Mbi oxhak të kësaj shtëpie
ndaloi një qyqe dhe tha
kurbetçiu më s’do të flasë
lan borxhin në këtë dynja.

Fjalëve të qyqes s’duhet zënë besë
po fliste pak e mjera nënë
Emri i Zotit është i shenjtë
kështu babai paskësh thënë.

Dhe kurbetçiu s’foli më
e mori Perëndia në mëshirën e Vet
e mbuloi me sabrin e madh
shpirtin dhe zemrën që ka siklet.

Muamedi a.s

Jusuf el Kardavi

Ebu Shejma

Hadithe

Dijetaret Musliman

Kuorizitete

Tema te Ndryshme

Civilizim

Gjeografi Islame