Home

Poezi

Photo Gallery

Contact me

Islam

Krishterizem

Histori

Shkence

Libra

KOMPLOT I TURPSHËM KUNDËR FEMRAVE TË NDERSHME
përktheu Ilda SADRIU

KOMPLOT I TURPSHËM KUNDËR FEMRAVE TË NDERSHME NË TUNIZI DHE TURQI

Është e vështirë të besosh lëre të mëndosh që, në një vend musliman, femrat muslimane janë të ndaluara të vënë shaminë, punëtorët e shtetit janë të ndaluar të lëshojnë mjekrën dhe ata mund të humbasin punën e tyre nëse shihen duke u falur në publik.

Që nga fillimi i vitit 1998, në Turqi, femrat janë të ndaluara të venë hixhabin në të gjitha universitetet ndërsa në Tunizi ky akt konsiderohet krim kundër ligjit.

Këto janë çështje shumë kritike në historinë e këtyre dy shteteve - njëra ish qëndra e halifatit ndërsa tjetra toka e univerzitetit Islam madhështorë Ez Zejtun.

I njëjti komplot ndeshet që në të dy shtetet jo vetëm kundër atyre që kanë besime politike Islame por gjithashtu kundër çdonjërit që praktikon Islamin.

Me mijëra femra muslimane janë dëbuar nga vendet e punës; universitetet, shkollat si dhe spitalet nuk i pranojnë ato. Skenat e policisë në godinat duke larguar studentet të cilat kanë refuzuar të heqin hixhabin janë bërë tepër të zakonshme.

Në të njëjtën kohë, regjimet qeveritare, i kanë vënë ato nën një rrethim ekonomik të brendshëm në të cilin ato po përballojnë presione të vështira e të qënurit pa burime të ardhurash për familjet e tyre. Në disa raste ato dorëzohën - heqin hixhabin për të siguruar nevojat minimale të jetës si ushqim, strehim, mjekim dhe rroba për fëmijët e tyre.

Në tetor të vitit 1998 katër milion protestantë demonstruan në qytete të ndryshme të Turqisë për të përkrahur studentet që janë përjashtuar nga universitetet për shkak të refuzimit të heqjes së shamisë. Policia sulmoi dhe mbajti mijëra demonstrues për pjesëmarrje të qetë në protesta që u lëshuan më pasë. Në mesin e tyre ishin shumë gra dhe vajza të reja.

Shumë gazetarë, mësues dhe studentë u dënuan dhe shumë të tjerë u torturuan nga policia - madje edhe të rinjë në moshën 13 dhe 14 vjeçare që u trajtuan sikur të ishin kriminelë.

Të burgosurit politikë dhe të tjerët nuk janë të lejuar që me vizitorët e tyre të takohën në vende të hapura, ata detyrohën të takohën dhe të flasin përmes pëngesave të shumta.

Sipas të dhënave të IHRC-së metoda të ndryshme janë përdorur kundër disa nga të burgosurit, nga duart e rojeve duke shtuar:

Përdorimi i goditjeve elektrike në pjesë të ndryshme të trupit duke përfshirë edhe pjesët gjenitale të tyre.

Rrahjën e të burgosurve kur atyre ua mbullnin sytë.

Ekspozimi i të burgosurve të zhveshur në dimër me dritare të hapura pasi u hedhin atyre ujë të ftohtë.

Përdhunimi i grave, vajzave të reja madje edhe fëmijëve.

Feliz Beyaz, e lindur në Stamboll më 1975, kalon provimet e hyrjes në Universitet më 1996 dhe arrestohet më 1998 gjatë demonstratave. Një javë pas lirimit të saj nga burgu, gjysmë ore pas mesnatës, Feliz dhe shoqja e sajë vdiqën në një autostradë të Stambollit pasi u ekzekutuan nga shërbimet sekrete me një aksident goditës dhe të shpejtë. Kjo metodë e vrasjës është e zakonshme në Turqi.

Historia që vijon është për një vajzë të re Turke e cila u pyet të zgjedhë mes shkuarjës në shkollë dhe besimit të saj fetar.

"Sot, shkolla ime më shikonte mua sikur të isha e huaj dhe më thanë që je e huaj.Megjithëse, dje une isha pronare e këtyre tokave.Nesër? Unë nuk e di se çfarë do të ndodhë nesër.Madje edhe koridoret e spitalit që kam ecur nëpër to shumë herë a do të më tradhtojnë mua përsëri? Po kopshti ku jam ulur për shume orë,si roje gjatë natës a do të më pranijë në gjirin e tij?

Përpjekjet tona për të ruajtur jetën e pacientëve duke matur presionin e gjakut... shokët e mi me të cilët bëmë shumë përpjekje për të bërë një EGG... rrahjet e zemrës sime që i ndieva kur për herë të parë bëra një injeksion IV... A do të marrin pjesë në jetën timë përsëri?

Për pesë vjetë kam ndjekë këtë fakultet me emocionet të cilat i ndieva ditën e parë që vesha rrobat e bardha... Jam bërë e etur duke dëgjuar ëndrrët e babait tim që kishte për mua. Kam luftuar për të parë lumturinë dhe krenarinë në sytë e babait tim dhe për të marrë bekimin e nënës sime.

Kur kam parë pacientin duke humbur jetën e tij për shkak të pakujdesisë mjekësore vendosa të punoj dhe lutem më shumë. I jam lutur All-llahut që të mos më largojë nga rruga ime dhe të më bëjë një doktoreshë të mirë që i ndihmon të tjerët.

Por, papritmas dikush më tha " NDAL". Ti nuk mundesh që të hysh këtu me këto rroba, sidomos me këtë gjë qesharake që ke vënë në kokë. Dhe pastaj dyert u mbyllën para fytyrës sime ashpërsisht. Policia më ndaloi hyrjen në shkollë të cilën e kisha mbërrirë me dritën e parë të mëngjesit.

Shokët e mi me të cilët isha ulur në të njëjtën bankë për shumë vitë nuk ishin në gjëndje të bënin asgjë. Profesori që kishte shprehur simpatinë e tij për suksesin tim në klasë, ishte tek dera pranë policit. Atij i vinte keq... këtë mund ta shihja në sytë e tij të turpëruar. E vetmja gjë që mund të bëja ishte të qaja me pafajësinë time.

Jam shumë e mërzitur kur shoh fytyrat kërcënuese të të rriturve. Por nuk jam e pashpresë, unë e di dhe besoj që këto ditë dhe ky presion do të mbarojë disi, një ditë. Këto do të jenë vetëm kujtime nga e kaluara".

Në Tunizi, gjëndja e femrave muslimane është pothuajse si në Turqi, Pavarësisht nga thëniet e Presidentit Bin Ali rreth arritjeve shoqërore të tija dhe përmirësimet në statusin e femrave në Tunizi në dekadën e fundit.

Në një intervistë në revistën "El-Havadeth" më 1997 mbas celebrimit të dhjetë vjetorit të Lëvizjes për Ndryshim, Presidenti Bin Ali thotë "Në këtë aspekt ne po shkojmë përpara, mbi bazat e koceptit plotësues, në atë mënyrë që rë ruajmë dinjitetin e femrës dhe në të njëjtën kohë të ruajmë interesat e familjes dhe sigurinë e shoqërisë. Ne jemi interesuar për të siguruar një barazi të mundshme mes grave dhe burrave dhe për të ripërtërirë ligjet duke rregulluar sferën e jetës së femrës". Ato thënie u bënë kur gratë muslimane që vinin hixhabin-veshjen islame u përjashtuan nga shkollat dhe vendet e punes anë e mbanë vendit.

Nga e gjithë popullësia që janë rreth 9 milionë, mbi 3 mijë janë të burgosur, ku shumica e tyre janë Islamistë.

Gjatë viteve të fundit, shumë të burgosur, në veçanti femra dhe fëmijë janë bërë mentalisht dhe fizikisht të sëmurë për shkak të mizorisë dhe johumanizmit që ata kanë përjetuar nga duart e regjimit, të cilit është i bindur me përdorim e fuqisë së tyre në komplot kundër popullit të vet.

Kjo agoni e turpshme e përjetuar nga fmrat e ndershme në Turqi dhe Tunizi nuk është për kurrfarë krimi tjetër përveç besnikërisë që kanë ndaj besimit të tyre.

All-llahu xh.sh. thotë në Kur'an: "E nuk patën pse t'i urrejë, përveç që e besuan All-llahun, ngadhënjyesin, të lavdëruarin". (85:8)

përktheu Ilda SADRIU (nga Islam Online)

Muamedi a.s

Jusuf el Kardavi

Ebu Shejma

Hadithe

Dijetaret Musliman

Kuorizitete

Tema te Ndryshme

Civilizim

Gjeografi Islame